Bismillah ngayuga lampah, Anaking
Balukar jangar neunggar kahayang
Balukar sasar medar rumingkang
Sing jembar sabar
Tong jadi cawérang ihtiar…Kalangkang beurang sok ngolo
Hariring peuting sok ngadodoho
Raksa rasa ukir pikir
Mun gering tong rungsing
Mun cageur tong badeur
Sujud mun pareng dipinding
Sukur mun pareng dipondong
Kalakuan ceurik jadi jalma leutik
Kalakuan songong abong di gedong
Séjén batur, kabeh ge dulur
Neang halal, awurkeun amal
Kalakuan lieur ku madu dunya
dumeh perlaya moal sulaya…
bral geura miang anaking,,,
tong hariwang tong saleumpang,,,
ku ibu di doakeun sing jembar,pinteur bageur,
elmu tuntut dunia siar,
heg sakitu pepejeh ti Ibu/bapak.
...pileuleuyan anaking........
0 komentar:
Posting Komentar